Romántico e feminino

​

Dúas palabras definen e personalizan esta sétima edición do claslclás: é un festival romántico e feminino. Dúas condicións que ademáis de outorgarlle un carácter singular, hónrannos, en tanto representan valores e condicións coas que Vilagarcía séntese identificada.

 

O romanticismo, con toda a súa intensa expresión emocional, está presente en gran parte dos programas que interpretarán os artistas que participan no clasclás. Como tamén está presente, en maior medida que nunca, a condición feminina. Cun cartel no que sobresae unha auténtica lenda da música como é a pianista Elisabeth Leonskaja, figuras españolas de renome internacional como Judith Jáuregui ou unha agrupación de voces integramente feminina, como Vocalia Taldea.

 

Ante a excepcional acollida das últimas edicións por parte do público, o clasclás asenta a súa sede no auditorio municipal, pero non esquece as súas tradicionais citas con dous espazos emblemáticos da cidade como son o pazo da Golpelleira e o de Rubiáns.

 

Demos por tanto a benvida a este clasclás integrador, aberto e cativador, que gaña en recoñecemento e prestixio edición tras edición, paso a paso. Andante!

​

​

​

 

Alberto Varela García

Alcalde de Vilagarcía de Arousa